Apple kompaniýasy sişenbe güni gowulandyrylan M2 çipli täze iPad Pro-ny satyp başlandygyny bildiriş etdi. Bu barada kompaniýa tarapyndan ýaýradylan metbugat-relizinde aýdylýar.
Täze iPad sişenbe gününden,18-nji oktýabrdan başlap, ABŞ-da we dünýäniň 28 sebitinde onlaýn sargytlar üçin elýeter bolar, dükanlara 26-njy noýabrda çykmaly. Täze iPad-iň esasy aýratynlygy şu ýyl MacOC kompaniýasynyň operasion ulgamy üçin ýörite işlenip taýýarlanan sekiz ýadroly has kuwwatly prosessory birleşdirýän M2 çip bolar. Ol önümçiligi M1 prosessoryndaky model bilen deňeşdirilende ep-esli — 15% gowulandyrmaga mümkinçilik berer. On ýadroly goşmaça grafiki prosessor grafika boýunça wezipeleriň işini 35%-e çenli çaltlandyrar. Gurluşyň operatiw ýady 16 Gb.
Planşet indi Apple Pencil-iň täze stilusyny 12 mm uzaklykdan tanaýar - şonuň esasynda stilus ekrana golaýlanda tekst meýdany awtomatik giňelýär, elde ýazylan giriş bolsa ondanam tiz tekste öwrülýär diýip, kompaniýada gürrüň berýärler.
Şeýle hem täze iPad Pro Wi-Fi 6E-niň kömegi bilen maglumatlary ýokary tizlikde geçirmegi göterýär, ýüklenişiň tizligi 2,4 GB/s - bu planşetleriň ondan öňki nesliniňkiden iki esse çaltdyr.
Täze iPad Pro-nyň fiziki ýady 128 GB, 256 GB, 512 GB, 1 TB we 2 TB, kümüşsöw we älem-çal reňklerde, 11 we 12,9 dýum ekranly bolar. 11 dýumlyk iPad Pro-nyň başlangyç bahasy 799 dollardan, 12 dýumlygyňky 1099 dollandan başlanýar. Täze Apple Pencil aýratynlykda 129 dollardan satylar.
