2007-nji ýylda çykarylan, gutusy açylmadyk iPhone smartfony ýekşenbe güni geçen söwdalaşyklarda 39 müň 340 dollara satyldy diýip, LCG Auctions auksion öýüniň saýtynda habar berilýär.
"Birinji nesliň gutusy açylmadyk nusgasy örän oňat ýagdaýda saklanan. Gutusynyň üsti we burçlary asla mizemändir, zawoddan çykma plombasy ellenmändir <...> Täzeje smartfon, hiç hili işledilmändir. Kolleksionerler we inwestorlar mundan üýtgeşik nusga duş gelmezler" - diýip, lotuň teswirinde aýdylýar.
Şeýle-de, 2007-nji ýylyň 9-njy ýanwarynda ilkinji gezek Stiw Jobs tarapyndan görkezilen iPhone smartfon industriýasyny hemişelik üýtgeden, "döwrümiziň iň möhüm we giň ýaýran oýlap tapyşy" boldy diýip nygtalýar.
Business Insider täzelikler portalynyň belleýşi ýaly, 2007-nji ýylda birinji iPhone-niň modeliň bahasy 599 dollardy. ABŞ-nyň Zähmet ministrliginiň hasabat býurosynyň maglumatlaryna görä, söwdalaşyklarda satylan smartfon, inflýasiýany nazara alsaň, geçen ýyllaryň içinde 45 esse gymmatlapdyr.
