“Pari Sen-Žermeniň” we Argentinanyň milli ýygyndysynyň hüjümçisi Lionel Messi DIRECTV Sports bilen söhbetdeşlikde Katarda geçiriljek 2022-nji ýylyň futbol boýunça dünýä çempionatynyň öňünde özüniň iň uly gorkusyny aýtdy. Bu barada gazeta.ru habar berýär.
“Bu dünýä çempionaty ýylyň başga wagtynda geçirilýändigi bilen tapawutlanýar. Ýaryş eýýäm golaýda we siziň bilen bagly bolup biläýjek islendik ownujak zat sizi bir gyrada goýup biler.
Fideo [Anhel di Mariýa], Paulo [Dibalo] bilen bolan wakalar meni alada goýýar. Bu zatlara üns berseň, hasam gorkýarsyň” – diýip, oýunçy aýtdy.
Muňa garamazdan, hüjümçi töwekgelçilikler we saglygyňa zyýan ýetirip biläýjek netijeler barada pikir etmän, meýdançada özüňi adatdakysy ýaly alyp barmagyň gowy boljakdygyny belledi.
“Oýna şikes alyp biljegiň barada pikir edip çykmak zyýan ýetirýär. Iň gowusy, özüňi hemişekisi ýaly alyp barmaly. Oýun – gowy formada galmagyň iň gowy usuly” – diýip, Messi sözüniň üstüni ýetirdi.
Dünýä çempionaty 2022-nji ýylyň 20-nji noýabrynda başlap, 18-nji dekabryna çenli dowam eder. Ýaryş bäş şäherdäki sekiz stadionda geçiriler. Final oýny “Milli stadionda” geçer. Argentinanyň milli ýygyndysy toparda Saud Arabystany, Meksika we Polşa bilen oýnar.
