2022-nji ýylyň sentýabr aýynda Apple-iň App Store-den gazanýan girdejisi geçen ýylyň degişli döwri bilen deňeşdirilende 5% azaldy. Bu barada 9to5Mac neşiri habar berýär diýip, gazeta.ru belleýär. Kompaniýanyň, esasanam, oýunlardan gazanýan girdejisi azaldy (14%).
Morgan Stanley-iň maglumatlaryna görä, bu pese gaçyş 2015-nji ýyldan bäri alnyp barylýan App Store-iň görkezijilerini seljermegiň taryhynda iň ulusydyr. Analitikler ýaramaz dinamikany ýüze çykaran sebäpleriň hataryna global inflýasiýany goşýarlar. Şeýle-de, munuň ýene bir sebäbi Hytaýy hasaba almazdan, App Stor üçin iň uly bazarlar hasaplanýan ABŞ, Kanada we Ýaponiýa ýaly ýurtlarda ilatyň satyn alyjylyk ukybynyň peselmegidir.
Kompaniýanyň özi görkezijileriň ýaramazlaşmagyny pandemiýa döwründäki terslik, ýagny adamlaryň pullaryny dynç alşa we güýmenjeler üçin işjeň sarp etmekleri bilen düşündirýär.
Oktýabr aýynda App Store-den gelýän girdeji ýyllyk hasabynda has uly pese gaçyşy görkezip biler, sebäbi bu aý Ýewropada we beýleki birnäçe ýurtlarda Apple öz programmalar dükanynda bahalary ýokarlandyrmagy meýilleşdirýär.
