Hytaýyň täze energiýa çeşmeleri bilen işleýän awtomobilleri öndürijisi BYD Co. sentýabr aýynda bassyr ýedinji aýyň jemi boýunça rekord derejeli satuwy hasaba aldy. Ol ilkinji gezek 200 müň bellikden geçdi diýip, Interfax.ru habar berýär.
Şol bir wagtyň özünde, üçünji çärýegiň jemi boýunça hytaý kompaniýasy satuwda Tesla amerikan kompaniýasyndan öňe geçdi.
Geçen aý BYD 201 259 awtoulag satdy, bu bolsa 2021-nji ýylyň sentýabr aýyndaky görkezijiden 2,8 esse (183%) köpdür. Bu barada kompaniýa tarapyndan Gonkongyň fond biržasyna iberilen resminamada aýdylýar. Olardan 7,7 müňden gowragy eksport edildi.
Ýanwar – awgust aýlarynda kompaniýanyň satuwy 1,17 mln boldy, bu bolsa geçen ýylyň degişli döwri bilen deňeşdirilende, 3,6 esse (255%) köpdür.
Üçünji çärýekde görkeziji Tesla-nyň 343,83 müň elektromobili bilen deňeşdirilende, takmynan, 534,2 müň awtomobil boldy diýip, DigiTimes Asia belleýär.
