Katarda geçiriljek 2022-nji ýylyň futbol boýunça dünýä çempionatyna çykarylan çykdajy rekord 200 mlrd dollar boldy diýip, The Sun habar berýär.
Bu Russiýanyň 2018-nji ýylda dünýä çempionatyna çykaran çykdajysyndan 20 esse diýen ýaly köpdür. Şonda Russiýanyň çykdajysy 11,6 mlrd dollar bolupdy, rekord bolsa 2014-nji ýylda 15 mlrd dollar sarp edip, DÇ-ni kabul eden Braziliýa degişlidi.
Belläp geçsek, Günorta-Afrika Respublikasynda geçen DÇ-2010-na 3,6 mlrd dollar, Germaniýada geçen DÇ-2006-a 4,3 mlrd dollar, Günorta Koreýada we Ýaponiýada geçen DÇ-2002-ä 7 mlrd dollar, Fransiýada geçen DÇ-1998-e 2,3 mlrd dollar, ABŞ-da geçen DÇ-1994-e 500 mln dollar sarp edildi.
Katarda gönüden-göni stadionlaryň (sekiz meýdança guruldy), bazalaryň, janköýerler üçin fan-zolaklaryň gurluşygynyň özüne 6,5 mlrd dollar sarp edildi.
Turniriň kommunikasiýalar boýunça ýerine ýetiriji direktory Fatima Al Nuaými umumy 200 mlrd dollar «hakykatda Katary milli taýdan ösdürmek we döwrebaplaşdyrmak ugrundaky maksatly strategiýanyň bir bölegi hasaplanýar» diýip düşündirdi.
