Türkmenistan BMG-niň Baş Assambleýanyň 77-nji mejlisiniň umumy çekişmesinde çykyş etdi

  • 28.09.2022 21:10
  • 13k+

26-njy sentýabrda Türkmenistanyň BMG-niň ýanyndaky Hemişelik wekili Aksoltan Ataýewa Nýu-Ýorkda geçen BMG-niň Baş Assambleýasynyň 77-nji sessiýasynyň umumy maslahatynda çykyş etdi.

Onuň bellemegine görä, ykdysady we ynsanperwerlik gatnaşyklarynyň dikeldilmegine çagyrmak bilen, dawalary we düşünişmezlikleri çözmegiň ýeke-täk makul usuly dialogdyr.
A.Ataýewa howpsuzlygyň ählumumy arhitekturasy çynlakaý synaglara sezewar edilýär diýip duýdurmak bilen, Birleşen Milletler Guramasynyň alternatiwasynyň ýokdugyny mälim etdi. Köptaraplaýyn hyzmatdaşlyga päsgel berýän çylşyrymly ýagdaýlary agzamak bilen, ol dialog üçin bar bolan meýdançalary berkitmegiň we wajyp  ählumumy meseleler boýunça hökümetara gepleşikleri geçirmek üçin täzelerini döretmegiň mümkinçiliklerine seretmegiň zerurdygyny nygtady.
Halkara gatnaşyklarynda ynanyşmaga esaslanýan dialogyň filosofiýasyny mundan hem beýläk öňe sürmek maksady bilen, Türkmenistanyň wekiliýetiniň Baş Assambleýa «Dialog — parahatçylygyň kepili» rezolýusiýasynyň taslamasyny teklip etmek isleýändigi bellendi.
Hemişelik wekil ählumumy azyk howpsuzlygynyň häzirki wehimleri bilen bagly ynjalyksyzlyklaryny beýan etmek bilen, halkara jemgyýetçiligini ählumumy azyk bazarynyň durnuklylygyny üpjün etmäge we gowşak goragly ýurtlary azyk bilen üpjün etmegiň çylşyrymly meseleleriniň çözgüdini  bilelikde gözlemäge çagyrdy.  Şu maksat bilen ol Türkmenistanda azyk howpsuzlygy boýunça halkara forum geçirmegi teklip etdi.
A.Ataýewa Merkezi Aziýada howanyň üýtgemeginiň we suw gorlarynyň meseleleriniň aýgytlaýjy ähmiýete eýedigini nygtamak bilen, Merkezi Aziýa ýurtlary üçin klimat tehnologiýalarynyň sebit merkezini döretmäge çagyrdy. Türkmenistan şu kontekstde zyýanly gazlaryň zyňyndylaryny azaltmagyň tarapdary bolup galýandygyny tassyklady.
Şeýle hem pandemiýa temasy gozgaldy, onuň netijeleriniň, COVID-19 ýokanjy bilen göreşmek we medisina diplomatiýasynyň gurallaryny döretmek bilen bir hatarda, utgaşykly tagallalary talap edýändigi aýdyldy.


şu gün 00:33
1.8k+

BMG-niň Baş sekretary Antoniu Guterriş Türkmenbaşy şäherine geldi

3-nji awgustda Birleşen Milletler Guramasynyň Baş sekretary Antoniu Guterriş "Awaza" milli syýahatçylyk zolagynda geçirilýän BMG-niň Deňze çykalgasy bolmadyk ösüp barýan döwletler boýunça üçünji maslahatyna gatnaşmak üçin Türkmenistana geldi...

düýn 23:59
2.2k+

Awazada BMG-niň üçünji maslahatynyň başlanmagy mynasybetli baýdak galdyrmak dabarasy

Şu gün, 3-nji awgustda «Awaza» milli syýahatçylyk zolagynda Birleşen Milletler Guramasynyň Deňze çykalgasy bolmadyk ösüp barýan  döwletler boýunça üçünji maslahatynyň başlanmagy mynasybetli baýdak galdyrmak dabarasy geçirildi...

düýn 23:29
639

Türkmenistan we UNEP Aşgabatda Howa tehnologiýalary boýunça sebit merkezini döretmek meselesini maslahatlaşdy

Türkmenistanyň daşary işler ministri Raşid Meredow Birleşen Milletler Guramasynyň Daşky gurşaw boýunça maksatnamasynyň (UNEP) Ýerine ýetiriji direktory Inger Andersen bilen onlaýn duşuşygy geçirdi. Bu barada Türkmenistanyň Aragatnaşyk ministrliginiň metbugat gullugy habar berdi...

düýn 23:19
1.9k+

Awazada LLDC 3 maslahatynda BMG-niň 2034-nji ýyla çenli hereketleriniň Maksatnamasy maslahatlaşylar

Awazada geçiriljek BMG-niň Deňze çykalgasy bolmadyk ösüp barýan ýurtlar boýunça üçünji maslahatynda (LLDC 3) "2034-nji ýyla çenli BMG-niň Hereketleriniň Maksatnamasyna" aýratyn ähmiýet berler. Bu maksatnama BMG...