Floýd Meýwezer Konor Makgregor bilen boljak rewanşy anons etdi

  • 23.09.2022 11:24
  • 36k+

Professional boksuň legendasy Floýd Meýwezer öz toparynyň indiki ýyla meýilleşdirilen Konor Makgregor bilen rewanş barada gepleşikleri geçirýändigini nygtaýar. Bu barada boksçy şu dynç günleri Ýaponiýadaky Rizin 38 turnirinde geçiriljek ýaponiýaly Mikuru Asakura garşy sergi söweşinden öň beren interwýusynda habar berdi. Muny fighttime.ru ýetirýär.

“Men şu dynç güni çykyp, şatlanasym gelýär. Soňra noýabr aýynda Dubaýda meniň ýene bir sergi söweşim bar, 2023-nji ýylda bolsa biz Konor Makgregor bilen duşuşarys. Häzirlikçe munuň sergi ýa-da hakyky söweş boljakdygyny bilemok – iki wariant hem maslahatlaşylýar. Men sergi görnüşini has makul görýärin. Men maňa hakykatdan zyýan ýetirip biljek söweşlere gatnaşmaýaryn, ýöne Konor Makgregor ýaly ýigitler, UFC-niň söweşijileri we urup bilmeýän beýleki ýutuberler meniň üçin howply däl” – diýip, “The Daily Mail” Meýwezeriň sözlerini getirýär.

Bar bolan maglumatlara görä, Asakura bilen dokuz minutlyk sergi söweşi üçin Meýwezer 20 mln dollar alar.
Ýatlap geçsek, Makgregor bilen Meýwezeriň arasynda bäş ýyl mundan ozal bolan we onunjy raundda irlandiýalynyň möhletinden ir ýeňilmegi bilen tamamlanan boks duşuşygy uly maliýe üstünligine eýe boldy we dört milliondan gowrak tölegli ýaýlym satdy. Ol bu görkeziji boýunça diňe Floýd Meýwezer bilen Menni Pakýaonyň arasyndaky söweşden öňe geçip bilmedi.


10.05.2025 19:49
10k+

Agram derejesine garamazdan dünýäniň iň gowy boksçylarynyň reýtingi hödürlendi

The Ring žurnaly agram derejesine garamazdan (Pound-for-Pound) dünýäniň iň gowy boksçylarynyň täzelenen reýtingini hödürledi. Sanawda birinji orny super agyr agramda dünýä çempiony ukrainaly Aleksandr Usik saklady...

05.05.2025 15:19
4.9k+

Ýaponiýaly boksçy Naoýa Inoue dördünji gezek absolýut çempion titulyny gorady

Las-Wegasda (ABŞ) 5-nji maýa geçilen gije professional boks agşamy geçirildi. Agşamyň esasy söweşinde ýaponiýaly Naoýa Inoue amerikaly Ramon Kardenasy tehniki nokaut bilen ýeňdi we yzygider dördünji gezek ikinji ýeňil agramda absolýut çempion adyny gorady...

05.05.2025 07:44
4.9k+

Boksçy Saul Alwares absolýut dünýä çempiony adyny gaýtaryp aldy

Meksikaly boksçy Saul Alwares 76,2 kg çenli agram derejesinde absolýut dünýä çempiony adyny gaýtaryp aldy. Ol Er-Riýadda (Saud Arabystany) geçirilen 12 raundlyk söweşde kubaly Uilýam Skulldan emin agzalarynyň biragyzdan karar bermegi bilen üstün çykdy...

19.04.2025 22:50
9k+

Jeýk Pol öňki dünýä çempiony Hulio Sezar Çawes-kiçi bilen söweşer

28-nji iýunda ABŞ-nyň Anaheým şäherinde meşhur bloger Jeýk Pol bilen öňki dünýä çempiony Hulio Sezar Çawes-kiçiniň arasynda boks söweşi geçiriler. Bu barada DAZN teleýaýlymy habar berdi. 2024-nji ýylyň noýabrynda geçen soňky söweşinde Jeýk Pol emin agzalarynyň biragyzdan karar bermegi bilen 58 ýaşly Maýk Taýsondan üstün çykypdy...