UEFA Çempionlar ligasynyň toparlaýyn tapgyrynyň ikinji duşuşygynda «Bawariýa» futbol kluby «Barselonadan» üstün çykdy.
Mýunhende geçirilen oýun 2:0 hasabynda tamamlandy. «Bawariýanyň» düzüminde Lukas Ernandes (50-nji minut) we Leroý Zane (54) tapawutlandy.
«Bawariýa» 6 utuk toplap, C toparyň başyny çekýär. «Barselona» Italiýanyň «Interi» bilen bilelikde ikinji orunda durýar (3 utuk). Dördünji orunda ýeke utuksyz «Wiktoriýa Plzen» ýerleşýär.
Indiki tapgyrda «Barselona» «Wiktoriýa Plezen», «Bawariýa» «Inter» bilen duşuşar. Duşuşyk 4-nji oktýabrda geçiriler.
Oýun gününiň beýleki duşuşygynyň netijeleri şulardan ybarat:
A topar: "Liwerpul" (Angliýa) - "Aýaks" (Niderlandlar) - 2:1.
B topar: "Portu" (Portugaliýa) - "Brýugge" (Belgiýa) - 0:4, "Baýer" (Germaniýa) - "Atletiko" (Ispaniýa) - 2:0.
D topar: "Marsel" (Fransiýa) - "Aýntraht" (Germaniýa) - 0:1, Sporting (Portugaliýa) - Tottenhem (Angliýa) - 2:0
