“Forbes” neşiri dürli sport görnüşlerinden dünýäniň iň gymmat sport toparlarynyň reýtingini düzdi. Bu barada gazeta.ru habar berýär.
Futbol klublarynyň arasynda birinji orny 5,1 mlrd dollar bilen bahalandyrylan “Real” eýeledi. Şeýle-de bolsa, dünýäniň sport toparlarynyň umumy reýtinginde bu klub 13-nji orunda ýerleşdi. Madridiň kluby Çempionlar ligasynyň kubogyny 14 gezek utdy, bu bolsa ähli toparlaryň arasynda rekorddyr.
Futbol klublarynyň arasynda ikinji orny “Barselona” eýeledi (5 mlrd dollar, umumy reýtingde 15-nji orun). Futbol toparlarynyň arasynda üçünji orna “Mançester Ýunaýted” mynasyp boldy (4,6 mlrd dollar, 19-njy orun).
Şeýle-de, reýtinge “Liwerpul” (4,45 mlrd dollar, 22-nji orun), “Bawariýa” (4,28 mlrd dollar, 23-nji orun), “Mançester Siti” (4,25 mlrd dollar, 24-nji orun), “PSŽ” (3,2 mlrd dollar, 48-nji) we “Çelsi” (3,1 mlrd dollar, 50-nji) girdi.
“Forbesiň” dünýäniň iň gymmat toparlarynyň umumy sanawynda birinji orny Milli futbol ligasynyň (amerikan futboly) “Dallas” kluby eýeledi. Onuň bahasy 8 mlrd dollar bilen bahalandyrylýar.
