Saud Arabystanynyň Saudi Aramco milli nebit kompaniýasy nebitiň bahasynyň ABŞ-dan başga ähli sebitleriň alyjylary üçin arzanladylýandygyny mälim etdi. Bu barada Bloomberg habar berýär.
"Döwletiň gözegçiligindäki Saudi Aramco kompaniýasy Aziýanyň nebiti gaýtadan işleýän zawodlaryna oktýabrda iberiljek öz esasy Arab Light markasynyň barreliniň bahasyny, Ýakyn Gündogaryň çelgisinden ýokary, 5,85 dollara çenli arzanlatdy. Bu üstümizdäki aýda bellige alnan rekord derejeden 4$ diýen ýaly aşakdyr" diýip neşirde görkezilýär.
Demirgazyk-Günbatar Ýewropadan we Ortaýer deňzi ýurtlaryndan bolan alyjylar üçin saud nebitiniň ähli markalarynyň diýen ýaly her barreliniň bahasy 2$ arzanladylar diýip takyklanýar. Şonuň bilen birlikde, ABŞ ugradylýan Arab Light nebitinden beýleki sortlaryň hemmesiniň barreli 0,5$ gymmatlaýar. Arab Light-yň her barreli, öz nobatynda, öňküsi ýaly, Argus Sour Crude Index bençmarkyndan ýokary, 6,15$ bolar.
