Dünýäniň birinji raketkasy ady ugrunda Alkaras bilen Ruud göreşer

  • 11.09.2022 13:53
  • 2.8k+

Ispaniýaly tennisçi Karlos Alkaras şenbe güni ABŞ-nyň Açyk çempionatynyň ýarym final oýnunda amerikaly Frensis Tiafony utdy. Duşuşyk 6:7 (6:8), 6:3, 6:1, 6:7 (5:7), 6:3 hasabynda Alkarasyň peýdasyna tamamlandy. Finalda Alkaras russiýaly Karen Haçanowdan üstün çykan norwegiýaly Kasper Ruuda garşy oýnar. Bu barada TASS habar berýär.

Ýaryşyň aýgytly duşuşygy 11-nji sentýabrda geçiriler, onuň ýeňijisi Professional tennisçileriň assosiasiýasynyň (ATP) reýtinginde birinji orna çykar. Häzirki wagtda ony ABŞ-nyň Açyk çempionatynyň häzirki ýeňijisi, şu ýyl dördünji tapgyrda ýaryşdan çykan russiýaly Daniil Medwedew eýeleýär.
ABŞ-nyň Açyk çempionaty 1881-nji ýyldan bäri geçirilýär we ol möwsümde jemleýji, dördünji “Uly tuwulga” ýaryşydyr. Oýunlar “hard” düşeginde geçirilýär, ýaryşyň baýrak gaznasy 60 mln dollara barabar.


26.10.2025 09:40
4.2k+

SportsPro 2025-nji ýylyň iň köp gyzyklanma bildirilýän türgenleriniň reýtingini hödürledi

SportsPro žurnaly 2025-nji ýylyň iň köp isleg bildirilýän türgenleriniň reýtingini hödürledi. Sanawy düzüjiler isleg görkezijisini üç ölçeg: şahsy brendiň güýji, ykdysady mümkinçilikler we elýeterli bazar gurşawy, ýagny öz sport görnüşinde gazanç mümkinçiligi boýunça hasaplady...

22.10.2025 20:05
784

Halkara tennis federasiýasy adyny World Tennis diýip üýtgeder

2026-njy ýyldan başlap Halkara tennis federasiýasy (International Tennis Federation, ITF) täze — World Tennis — atlandyrylar diýip, guramanyň metbugat gullugy habar berýär. Adyny üýtgetmek baradaky karary ITF-iň düzümine girýän milli tennis birleşikleriniň köpüsi goldady...

20.10.2025 14:04
1.5k+

Werstappen ABŞ-nyň Gran-prisini utup, çempionatda Piastriden aratapawudyny azaltdy

19-njy oktýabrda, ýekşenbe güni Ostindäki Circuit of the Americas ýaryş ýolunda Formula-1 çempionatynyň 19-njy tapgyry – ABŞ-nyň Gran-prisi geçdi. Onda “Red Bulluň” niderlandly sürüjisi Maks Werstappen ýeňiş gazandy...

19.10.2025 16:46
1.5k+

Apple ABŞ-da “Formula-1-i” ýaýlyma bermek üçin 750 mln dollara hukuk satyn aldy

Apple ABŞ-da “Formula-1” ýaryşlaryny ýaýlyma bermek üçin aýratyn hukuk satyn aldy. Bu barada çempionatyň metbugat gullugy habar berýär. Hyzmatdaşlyk barada şertnama bäş ýyl möhlet bilen baglaşyldy. Variety neşiriniň maglumatlaryna görä, şertnamanyň bahasy, takmynan, 750 mln dollar boldy...