Xiaomi Hytaýda Redmi G Pro 2022 Intel Edition noutbugy bilen tanyşdyrdy we onuň üçin deslapky sargytlary kabul etmäge başlady. Täze noutbuk iki konfigurasiýada hödürlendi, Redmi G Pro 2022 Intel Edition noutbugy Xiaomi-niň iň kuwwatly mobil kompýuteridigi bilen öňe saýlanýar.
Aňrybaş konfigurasiýasynda — Intel Core i9-12900H prosessory we GPU Nvidia GeForce RTX 3070 Ti. Şunuň ýaly wariant üçin 1665 dollar baha kesýärler. Baza wersiýasy — Core i7-12650H prosessorly we GeForce RTH 3060 3D çaltlaşdyryjyly. Hytaýda deslapky sargytlar şu günden başlap kabul edilip başlanýar, bölekleýin satuwlar bolsa 17-nji sentýabrdan başlanar.
Operatiw ýadynyň göwrümi 16 GB, gaty toplaýjy ýadynyňky bolsa — 512 GB. Gurluşyň sowadyjysynyň aşakky ulgamynda dört sany ýylylyk turbajyklary we iki ýelpewaç bar.
Redmi G Pro 2022 Intel Edition 2560 x 1600 piksel razreşeniýeli, kadr tizligi 240 Gs we sRGB reňk giňişligini 100% gurşap alýan 16-dýumlyk IPS ekrana eýe boldy. Şeýle hem konfigurasiýada sygymy 80 Wt.s bolan akkumulýator, 2,5 Gigabitlik Ethernet geçiriji toryň porty, HDMI 2.1 wideoçykalga bar. Noutbugyň kütüligi 28,45 mm, agramy -2,66 kg.
