Counterpoint Research analitiki kompaniýasynyň hasaplamalaryna görä, 2022-nji ýylyň ikinji çärýeginde Apple ABŞ-nyň bazarynyň ýarysyndan gowragyny eýelemek bilen, Android-den öňe geçdi. Bu kompaniýa üçin taryhda iň gowy netije boldy diýip, glas.ru habar berýär.
Bellenilişi ýaly, analitikleriň gözlegi üpjünçilige däl-de, hakykatda ulanylýan gajetleriň sanyna esaslanýar. Hünärmenler bu görkezijini gurluşlary ikinji derejeli bazarda satyn alýan ulanyjylary hem-de birnäçe ýyl bäri şol bir iPhone-y ulanýan ulanyjylary göz öňünde tutmaga mümkinçilik berýändigi üçin möhüm hasaplaýarlar.
Android telefonlary 2008-nji ýylda, iPhone peýda bolandan bir ýyl soň satuwa çykaryldy. Iki ýyldan soň olar sany boýunça iOS gurluşlaryndan öňe geçdiler we Apple-e 50% bellige ýetmek hiç başartmandy. Hünärmenleriň pikiriçe, kompaniýanyň ösüşi dowam edip biler.
