Toyota Motor-yň ýolbaşçylary «ýaşyl» ulaglaryň akkumulýatorlaryň önümçiligine 730 mlrd ýen (5,6 mlrd dollar) maýa goýmak kararyna geldi. Akkumulýatory çykarmak 2024-nji ýyldan soň kompaniýanyň Ýaponiýadaky we ABŞ-daky zawodlarynda ýola goýlar.
Üç million dollar töweregi pul markanyň Himedzidäki zawodynyň önümçiligini giňeltmeklige gönükdiriler, galan serişdeler Toyota-nyň Demirgazyk Karolinadaky meýdançasyny inwestirlär.
Geljekde bu ýagdaý önümçilik kuwwatyny 40 GBt.s çenli ösdürmäge mümkinçilik berer. Bu brendiň bäsleşige ukyplylygyna oňyn täsirini ýetirer we “müşderilere saýlamak üçin giň mümkinçilikleri teklip etmek bilen, olaryň isleglerini çeýelik bilen kanagatlandyrmaga” mümkinçilik berer.
Mundan hem başga, şereket elektrikleşdirilen ulaglaryň batareýalaryny öndürmek bilen meşgullanýan işgärleri okatmaklyga, şeýle-de olara monodzukuri – nou-hau elementleri bilen önümçiligiň aýratyn filosofiýasynyň endiklerini bermeklige serişde goýbermegi meýilleşdirýär.
