Apple-iň metbugat konferensiýasyna birnäçe gün galanda kupertinoly kompaniýanyň ýörite iPhone 14 Pro we iPhone 14 Pro Max üçin kuwwaty 35 Wt bolan zarýad gurluşyny çykarjakdygy barada birnäçe çeşme habar berdi. Bu smartfonlaryň eýelerine olary tiz zarýaddan doldurmaga mümkinçilik berer.
Apple-iň eýerýän «daşky gurşawy goramak» baradaky strategiýasyna laýyklykda, soňky iki ýylyň içinde zarýad gurluşy täze smartfonlaryň toplumyna girmesiz edildi. Ony aýratyn satyn almalydyr. Şonuň üçinem täze smartfonlaryň eýeleriniň aňrybaş çalt zarýad berýän gurluşy edinmäge ymtyljagy düşnükli zat. Adaty iPhone 14 üçin zarýad berijiniň kuwwaty 30 Wt-dan geçmeli däl.
Resmi saýtyň ýazmagyna görä, häzirki wagtda Apple kuwwaty 35 Wt bolan iki sany çalt işleýän zarýad gurluşyny teklip edýär, ýöne olaryň ikisiniňem USB-C üçin iki deşigi bar.
