Amerikanyň Birleşen Ştatlary, Russiýa we Saud Arabystany Patyşalygy şu ýylyň geçen alty aýynda dünýäniň iň köp nebit gazyp alýan 3 ýurdy boldy. Bu barada rus tarapynyň resmi çeşmelerine salgylanyp, “Trend” agentligi habar berýär.
Bellenilişi ýaly, iýun aýynda ABŞ her günde — 12,04 million barrel, Russiýa 10,667 million barrel, Saud Arabystany Patyşalygy bolsa 10,646 million barrel nebit çig malyny gazyp aldy. Şu ýylyň alty aýynda Russiýa jemi 263,3 million tonna nebit çykaryp, munuň özi, geçen ýylyň degişli döwri bilen deňeşdirilende, 3,3 göterim artykdyr.
