Karlo Ançelotti UEFA tarapyndan ýylyň iň gowy tälimçisi boldy

  • 26.08.2022 09:48
  • 8k+

Madridiň “Realyna” ýolbaşçylyk edýän italiýaly Karlo Ançelotti Ýewropanyň Futbol assosiasiýalarynyň birleşiginiň (UEFA) wersiýasyna görä, 2021/22-möwsüminiň iň gowy tälimçisi diýlip yglan edildi. Bu barada Çempionlar ligasynyň toparlaýyn tapgyrynyň bije çekişiginde belli boldy.

Geçen möwsümiň netijesi boýunça, “Real” Ispaniýanyň çempiony we Çempionlar ligasynyň ýeňijisi boldy.
Ançelotti 62 ýaşynda, ol 2021-nji ýylyň tomsunda “Reala” ýolbaşçy boldy. Ançelotti Ýewropanyň iň güýçli bäş milli çempionatynyň her birinde ýeňiş gazanan taryhda ilkinji tälimçi boldy. Karýerasynyň dowamynda italiýaly hünärmen milli birinjilikde Angliýanyň “Çelsi”, Germaniýanyň “Bawariýa”, Italiýanyň “Milan” we Fransiýanyň “PSŽ” klublaryny ýeňşe getirdi.
Baýrak üçin dalaşgärleriň hatarynda Angliýanyň “Mançester Sitisiniň” baş tälimçisi ispaniýaly Hosep Gwardiola we “Liwerpulyň” baş tälimçisi germaniýaly Ýurgen Klopp hem bardy. Geçen ýyl baýragyň eýesi Angliýanyň “Çelsi” toparynyň baş tälimçisi Tomas Tuhel boldy.


düýn 15:16
8.5k+

Saud Arabystanynda gökdirän binanyň ýokarsynda stadion gurlar

Gökdirän binanyň depesinde futbol stadionyny göz öňüne getirip bilersiňizmi?! Eger ýok bolsa, Saud Arabystany ony size hakykatda görkezip biler – patyşalykda nobatdaky NEOM Sky Stadium mega-taslamasy hödürlendi...

28.10.2025 19:56
11k+

«Altyn Asyr» «Paro» klubuny utup, AFK Çagyryş Ligasynda «A» toparyň başyna geçdi

28-nji oktýabrda, sişenbe güni Türkmenistanyň «Altyn Asyr» futbol kluby AFK-nyň Çagyryş Ligasyndaky toparlaýyn tapgyryň ikinji duşuşygynda Butanyň «Paro» klubuny 3:1 hasabynda utdy. Ýaryşyň Günbatar zolagynyň "A" toparynyň ähli duşuşyklary merkezleşdirilen formatda Butanyň paýtagty Thimphuda geçirilýär...

28.10.2025 18:56
9.6k+

Lionel Messi 2026-njy ýylyň dünýä çempionatynda oýnamak isleýändigini aýtdy

Argentinanyň milli ýygyndysynyň ýyldyzy Lionel Messi 2026-njy ýylda ABŞ-da, Kanadada we Meksikada geçiriljek dünýä çempionatyna gatnaşmak isleýändigini aýtdy. Bu barada futbolçy NBC telekanalyna beren interwýusynda gürrüň berdi...

27.10.2025 12:10
7.2k+

«Arkadag» FK bassyr üçünji ýyl wagtyndan öň Türkmenistanyň çempiony boldy

«Arkadag» futbol kluby bassyr üçünji ýyl wagtyndan öň Türkmenistanyň futbol çempionatynyň ýeňijisi boldy. Çempionatyň nobatdaky tapgyrynda Aşgabatda geçirilen duşuşykda “Arkadag” “Ahal” toparyndan 1:0 hasabynda üstün çykdy...