Kazyýet Twitteri Ilon Maska spam-akkauntlar barada maglumatlary bermäge borçlandyrdy

  • 19.08.2022 12:09
  • 14k+

Kazyýet Twitter sosial toruny Ilon Maska spam-akkauntlar boýunça ozalky baş menejer Keýwon Beýkpuryň faýllaryny bermäge borçly etdi. Feýk akkauntlarynyň sany barada ýalan maglumat berleni sebäpli Mask kompaniýany satyn almakdan ýüz öwrenden soň, hut botlaryň akkaunty dawanyň kazyýete baryp ýetmegine esasy sebäp boldy.

Delawer ştatynyň kazyýetiniň karary boýunça Twitter kompaniýasy, Mask tanşar ýaly, Beýkpuryň resminamalaryny ýygnamaly, öwrenmeli we onuň ygtyýaryna bermeli edildi. Şeýlelikde, milliarder gerekli karary alyp, iň bolmanda, kazyýet işiniň çäklerinde öz gepini gögertdi. Her näme-de bolsa, gutarnykly ýeňiş hakynda söz açardan heniz ir. Entek Twitterdäkileriň haýsy hörpden gopjagy we onuň näçe wagta gitjegi belli däl.
Beýkpuryň özi kompaniýadan aprelde - Twitteriň ýolbaşçylary kompaniýany Maska satmak kararyna gelenlerinde gidipdi. Resminalardan çen tutsaň, ol spam-akkauntlaryň sanyny kesgitlemek bilen meşgullanýan ýolbaşçylaryň “has golaý saýylýanlarynyň” biri bolupdyr. Owal Twitter Maska garşy talap arzasyny beripdi, sebäbi ol bir taraplaýyn tertipde sosial tory satyn almakdan boýun gaçyrypdy. Kompaniýanyň ýolbaşçylary kazyýet Masky niýetinden dänmäge mejbur edip biler diýip hasaplapdylar.


düýn 11:57
2.8k+

ABŞ-da Uber zenanlara aýal sürüjileri saýlamaga mümkinçilik berer

Uber kompaniýasy 2025-nji ýylyň awgustyndan ABŞ-da zenan ýolagçylara aýal sürüjileri saýlamaga mümkinçilik berýän synag funksiýasyny işe girizer. Bu barada CNBC habar berýär. Hyzmat Los-Anjeles, San-Fransisko we Detroýt şäherlerinde elýeterli bolar...

23.07.2025 15:08
5.7k+

Los-Anjelesde zarýad stansiýasy we retro-garbanyşhana bilen dünýäde ilkinji Tesla Diner toplumy açyldy

Los-Anjelesde zarýad stansiýasyny we 1950-nji ýyllaryň stilinde retro-futuristik garbanyşhanany özünde jemleýän dünýäde ilkinji Tesla Diner işläp başlady. Bu şäherde iň uly Tesla Supercharger toplumy bolup, onda NACS standartyny goldaýan ähli elektromobiller üçin 80 sany V4 zarýad porty elýeterlidir...

21.07.2025 11:39
2.3k+

Mask çagalar üçin Baby Grok çat-botuny döreder

Ilon Maskyň xAI startapy Grok çat-botunyň çagalar üçin niýetlenen görnüşini döretmek bilen meşgullanar. Bu barada telekeçi X sosial ulgamynda habar berdi. Täze çat-bot Baby Grok adyny alar we çagalar kontentine gönükdiriler...

19.07.2025 07:00
5.7k+

Coca-Cola ABŞ-da mekgejöwen şiresini tebigy çiňrik şekeri bilen çalşar

Coca-Cola kompaniýasy amerikan bazary üçin öndürýän içgisiniň düzümini üýtgetmäge razy boldy. Bu barada 16-njy iýulda ABŞ-nyň Prezidenti Donalt Tramp öz Truth Social sosial ulgamynda habar berdi. Ak tamyň ýolbaşçysy kompaniýanyň ýolbaşçylygyna ýokary fruktoza düzümli mekgejöwen şiresini tebigy çiňrik şekeri bilen çalyşmagy teklip edendigini aýtdy...