Boeing bir ýyldan gowrak wagtyň içinde ilkinji 787 Dreamliner uçaryny iberdi

  • 15.08.2022 11:38
  • 13k+

Boeing Co amerikan konserni bir ýyldan gowrak wagtyň içinde ilkinji 787 Dreamliner uçaryny iberdi, ony American Airlines Group awiakompaniýasy alar. Bu barada interfax.ru habar berýär.

“787 American Airlines flotunyň möhüm bölegi hasaplanýar we bu biziň şu ýyl almagy meýilleşdirýän dokuz uçarymyzyň ilkinjisidir” – diýip, awiagatnadyjynyň baş ýerine ýetiriji müdiri Robert Isom belleýär.

Boeing-iň wekilleri 787 Dreamliner üçin nobatda duran indiki awiakompaniýa barada soralanda, geljekki iberilişleriň tertibi barada aýtmakdan boýun gaçyrdylar. 
Bu uçar modeliniň üpjünçiligi hil meselesi sebäpli 2021-nji ýylyň iýun aýynda togtadyldy. Şol bir wagtyň özünde tutuş dünýä boýunça awiakompaniýalar 1 müňden gowrak Dreamliner uçaryny ulanmagy dowam etdirýär.
Çarşenbe güni Boeing paýnamalarynyň bahasy 2,5% ýokarlandy. Kompaniýanyň kapitallaşdyrmasy şu ýylyň başyndan bäri 16% pese gaçdy, bu döwürde Dow Jones Industrial Average fond indeksi 8,3% peseldi.
American Airlines-iň kagyzlarynyň bahasy çarşenbe güni 3,1% ýokarlandy, ýöne şu ýyl 16,1% peseldi.


19.02.2025 11:25
4.4k+

Boeing ýanwarda 45 sany uçar öndürdi, bu Airbus-dan iki esse diýen ýaly köp

2025-nji ýylyň ýanwarynda Boeing müşderilerine 45 sany, Airbus bolsa 25 sany uçar gowşurdy. Bu görkeziji 2023-nji ýylyň dekabryndan bäri Boeing kompaniýasy üçin iň gowy netije boldy. Önümçilik boýunça Boeing 2023...

31.10.2024 14:51
8.2k+

“Boeing” taryhda iň uly paýnama satuwlarynyň birini geçirip, 21 milliard dollar toplady

"Boeing Co." 112,5 million aksiýa satyp, takmynan, 21 milliard dollar toplady. Bu taryhda jemgyýetçilik kompaniýasy tarapyndan iň köp satylan paýnamalaryň birine öwrüldi diýip, Bloomberg ýazýar. Uçar öndüriji kompaniýa...

22.10.2024 08:24
11k+

Boeing çökgünligi togtatmak üçin uçar önümçiligini azaldar

Boeing kompaniýasynyň täze baş müdiri Kelli Ortberg uçar önümçiligini azaltmagyň hasabyna kompaniýadaky çökgünligi togtatmak kararyna geldi diýip, The Wall Street Journal ýazýar. Neşiriň maglumatlaryna görä, Boeing...

02.08.2024 11:26
3.8k+

Boeing täze baş müdiri belledi

Boeing-iň täze baş müdiri wezipesine 64 ýaşly Kelli Ortberg bellendi. Ol 8-nji awgustda öz wezipe borçlaryny ýerine ýetirmäge girişer. Ortberg bu wezipede mart aýynda işden çekilýändigini habar beren Deýw Kalhunyň...