26-27-nji oktýabrda Aşgabatda «Türkmenistanyň nebiti we gazy — 2022» atly XXVII halkara maslahat geçiriler. “Türkmen Forum” hojalyk jemgyýeti bilen hyzmatdaşlykda “GaffneyCline” britan kompaniýasynyň goldaw bermeginde guralýan her ýylky däp bolan maslahatda “Türkmengaz” we “Türkmennebit” döwlet konsernleri, “Türkmengeologiýa” döwlet korporasiýasy guramaçylar hökmünde çykyş der. Bu barada çäräniň ogt-turkmenistan.com resmi saýtynda habar ýaýradyldy.
Bu abraýly işewürlik forumynyň geçirilmeginiň maksady Türkmenistanyň döwlet edaralary bilen halkara nebitgaz kompaniýalarynyň arasyndaky hyzmatdaşlygy ösdürmekden we berkitmekden ybaratdyr. Maslahatyň çäklerinde milli nebit kompaniýalarynyň, ugurdaş halkara düzümleriň, iri guramalaryň we maliýe institutlarynyň ýolbaşçylarynyň gatnaşmagynda tanyşdyrylyşlar hem-de iş mejlisleri geçiriler.
Halkara gatnawlara girizilen çäklendirmeler sebäpli, çäreler hem adaty hem onlaýn görnüşde guralar. Bu usul maslahatyň çäklerinde Türkmenistanyň nebitgaz pudagynyň ýolbaşçy düzümi bilen geçiriljek duşuşyklarda-da ulanylar.
