Apple smartfonlarynyň täze hatary bolan iPhone 14 ilkinji gezek 30 watt kuwwatlykly çalt zarýadlanma eýe bolar. Bu barada Jioriku lakamy bilen tanalýan insaýder Twitter akkaundynda aýtdy diýip, iz.ru habar berýär.
Onuň aýtmagyna görä, täze smartfon has çalt zarýad alar. Şol bir wagtyň özünde, ýokary zarýad beriş tizligini gazanmak üçin ýörite adapter edinmeli bolar. Kuwwatlylygyň awtomatiki usulda düzgünleşdirilmegine garaşylýar. Resmi maglumatlara görä, häzirki wagtda iň gymmat Apple smartfony bolan «iPhone 13 Pro Max» ýarym sagadyň dowamynda 50% zarýad alyp bilýär. Öňki smartfon modelleri 20 watta çenli zarýad berip bilerdi. 26-njy iýulda bilermen-synçy Ming-Chi Kuo geljekki iPhone 14 smartfonlary ulanylanda kamera bölüminiň käbir linzalarynda problemalaryň ýüze çykjakdygyny mälim etdi. Bu iPhone modeliniň, kompaniýanyň yglan edilen hil standartyndan pes bolmagy sebäpli, enjam üpjünçiliginiň gijikdirilmezligi üçin şu ýylyň güýzüne çenli 10 million smartfonyň sargytlaryny gaýtadan paýlamalydygyny düşündirdi. Şeýle-de Taýwanyň iri “Largan” kompaniýasy kamera linzalaryny iň köp öndüriji bolandygyny hem ýatlatdy.
