Baş keşpde amerikaly aktýor Hoakin Feniks bilen “Joker” filminiň dowamy “Joker: iki baş üçin akmaklyk” (Joker: Folie a Deux) ady bilen 2024-nji ýylyň 4-nji oktýabrynda ekrana çykar. Bu barada “The Hollywood Reporter” žurnaly habar berdi diýip, TASS belleýär.
Onuň maglumatlaryna görä, filmdäki keşpleriň birini amerikaly aýdymçy Ledi Gaga ýerine ýetirip biler, ýöne häzirlikçe onuň haýsy gahrymanyň keşbini oýnajakdygy belli däl. Kartinanyň režissýory Todd Fillips bolar.
Deadline portalynyň maglumatlaryna görä, film dekabrda surata düşürilip başlanar.
“Joker” filmi 2019-njy ýylda ekrana çykdy we iki “Oskar” baýragyna mynasyp boldy: iň gowy saundtrek üçin (kompozitor Hildur Gadnaouttir) we iň gowy erkek keşbi üçin (Hoakin Feniks).
