Jozef Baýden Türkmenistana täze ilçi bellemekçi

  • 05.08.2022 08:10
  • 15k+

3-nji awgustda Amerikanyň Birleşen Ştatlarynyň Prezidenti Jozef Baýden Türkmenistana täze ilçi bellemegi göz öňünde tutýandygyny mälim etdi. Bu barada Ak Tamyň Metbugat gullugyna salgylanyp, ORIENT habar berýär.

Nygtalyşy ýaly, ABŞ-nyň Türkmenistandaky Adatdan Daşary we Doly ygtyýarly ilçisi wezipesine diplomat Elizabet Rudy bellemek göz öňünde tutulýar. Ol häzirki wagtda ABŞ-nyň Russiýadaky ilçihanasynyň ýolbaşçysynyň orunbasary bolup işleýär.
Ýeri gelende aýtsak, geňeşçi diplomatik derejesi bolan Elizabet Rud dürli ýyllarda ABŞ-nyň Goşunlaryna degişli harby kollejde fakultet maslahatçysy, ABŞ-nyň Gruziýadaky ilçisiniň orunbasary, işler wagtlaýyn ynanylan wekil wezipelerinde işledi. Ol ABŞ-nyň Owganystandaky ilçihanasynyň syýasy meseleler boýunça geňeşçisi, ýurduň Döwlet Departamentinde birnäçe ýolbaşçy wezipelerde, Pakistanyň Peşawar şäherindäki baş konsullygynda esasy hünärmen, ABŞ-nyň Döwlet Departamentiniň Owganystanyň günorta-gündogar sebitlerini dikeltmek boýunça toparynyň wekili, Daglyk Garabag, Abhaziýa, Günorta Osetiýa we Prednestrowýe sebitlerindäki meselelerde ABŞ-dan gepleşiklere ýörite gatnaşyjynyň orunbasary bolup hem iş alyp bardy.
Sungat ugry boýunça bakalawr, Merilend uniwersitetinde magistrlik bilimini alan Elizabet Rud iňlis dilinden başga, fransuz, rus, nemes, puştu, dari we gruzin dillerinde hem gürleýär.


düýn 22:01
873

Türkmenistanyň ylmy wekiliýeti Rimde möhüm senelere bagyşlanan çärelere gatnaşdy

25-nji noýabrda Türkmenistanyň Ylymlar akademiýasynyň Prezidenti A.Aşirowyň ýolbaşçylygyndaky türkmen wekiliýeti Italiýada ýerleşýän Palasso Walentini köşgünde geçirilen halkara maslahata gatnaşdy. Türkmenistanyň...

düýn 09:25
916

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

düýn 09:21
2.4k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...

düýn 09:16
6.4k+

Türkmenistanda maýningi we kriptobiržalaryň işini düzgünleşdirýän kanun kabul edildi

Türkmenistanyň Prezidenti Serdar Berdimuhamedow ýurtda kriptowalýutalaryň maýningini we kriptobiržalaryň işini düzgünleşdirýän "Wirtual aktiwler hakynda" Türkmenistanyň Kanunyna gol çekdi. Resminama 2026-njy ýylyň 1-nji ýanwaryndan güýje girer diýip, «Türkmenistan» gazeti habar berýär...