Angliýanyň “Mançester Ýunaýted” futbol klubunyň hüjümçisi Kriştianu Ronaldu şu hepde topardan gitmegi göz öňünde tutýar diýip, “AS” neşiri habar berýär. Muny interfax.ru ýetirýär.
Bellenilişi ýaly, 37 ýaşly futbolçynyň agenti Horhe Mendeş Ispaniýanyň “Barselona” we “Atletiko”, Angliýanyň “Çelsi”, Germaniýanyň “Bawariýa” we Italiýanyň “Napoli” klublary bilen gepleşikleri geçiripdir. Şeýle-de bolsa, bu klublar Ronaldu üçin gerekli gyzyklanmany görkezmediler.
7-nji awgustda Angliýanyň premýer-ligasynyň çempionaty başlanýar, şol gün “Mançester Ýunaýted” öz meýdançasynda “Braýton” bilen oýnar. Ronaldu bu oýna gatnaşmaz diýlip pikir edilýär.
