Amazon internet-ägirdiniň düzümine girýän Zoox kompaniýasy Kaliforniýada (ABŞ) taksi hyzmatyny ulanyşa girizmäge rugsat sorap hat ýazdy. Reuters-iň takyklamagyna görä, ýolagçylara dolandyryjysy bolmadyk sürüjisiz ulaglar hyzmat eder. Zoox özüniň jemgyýetçilik ýollary üçin taýýarlan sürüjisiz ulagyny özbaşdak sertifisirlän ilkinji kompaniýa bolandygyny nygtaýar.
Zoox VH6 dört ýolagça niýetlenen ultraykjam mikroawtobus pisint ulagdyr (uzynlygy - 3,6 metr). Sürüjisiz ulagyň kuzowynyň swesy ýokdur, gapylary gapdala süýşürilip açylýar, salonynda bolsa biri-birine bakdyrylyp goýlan iki diwan bar.
Oturgyçlary simsiz zarýadka we howany sazlamak hem-de beýleki goşmaça funksiýalar üçin sensorly paneller bilen enjamlaşdyrylan.
Zoox VH6-nyň tekerleriniň iki jübüti hem duran ýerinde aýlanýan edip ýasalan. Şonuň üçin sürüjisiz ulag diňe bir manýowr etmäge çeýe bolman, eýsem islendik tarapy bilen öňe ýöräp bilýär. Zoox VH6-nyň güýç agregaty doly eletrikleşdirilen, energiýanyň saklanyşyna bolsa 133-kilowattlyk batareýa jogap berýär. Şol tutuş günüň dowamynda ulanmaga ýeter diýip hasaplanylýar.
Sürüjisiz ulag üçin awtonom dolandyryş ulgamyny Zoox öz güýji bilen işläp taýýarlady. Ol dürli tarapdaky obýektleri 150 metr daşlykdan "duýup-görüp" bilmäge mümkinçilik berýän lidarlaryň, radarlaryň we kameralaryň toplumyna esaslanýar.
