Merkezi Aziýa döwletlerine özara gatnaşyklaryň pandemiýadan öňki derejesini dikeltmek başartdy. Bu barada penşenbe güni geçen Merkezi Aziýa döwletleriniň Baştutanlarynyň IV konsultatiw duşuşygynda Gazagystanyň Prezidenti Kasym-Žomart Tokaýew aýtdy diýip, Trend ýazýar.
Onuň sözlerine görä, Merkezi Aziýa döwletleriniň özara bähbitli söwda-ykdysady hyzmatdaşlyklary barha giňeýär.
"Bilelikdäki tagallalaryň netijesinde özara gatnaşyklaryň diňe bir pandemiýadan öňki derejesini dikeltmek bilen çäklenilmän, eýsem, haryt dolanyşygyny hem düýpli ýokarlandyrmak başartdy. Biziň maglumatlarymyza görä, geçen ýyl sebitiň öz içindäki söwdanyň göwrümi sekiz milliard dollardan köp bolup, 27% artdy" - diýip, Tokaýew belledi.
Sebitde durnukly ösüşi, durnuklylygy we howpsuzlygy üpjün etmek - ýurtlara geljekki nesilleriň öňündäki uly jogapkäçiligi ýükleýän umumy wezipedir — diýip, Tokaýew nygtady.
"Gazagystanyň sebitdäki hyzmatdaşlygy ählitaraplaýyn berkitmekde, dünýä giňişliginde Merkezi Aziýanyň ornuny ýokarlandyrmakda strategik kursa wepaly bolup galjakdygyna size ynandyrmak isleýärin" - diýip, Tokaýew belledi.
