Abraýly insaýder evleaks geljekki Galaxy Unpacked çäresiniň senesini mälim etdi. Neşir edilen postere laýyklykda, Samsung 10-njy awgustda Galaxy Z Fold4 we Z Flip4 bilen tanyşdyrar diýip, “Sammobile” portaly habar berýär. Bu barada gazeta.ru belleýär.
Insaýder tarapyndan neşir edilen surat öň internetde gol we çäräniň senesi bolmazdan peýda boldy. Posterde benewşe reňkde Samsung Galaxy Z Flip4-i görmek bolýar.
Portalyň belleýşi ýaly, öňki maglumatlarda Samsung-yň täze eplenýän smartfonlar üçin deslapky sargytlary 16-njy awgustdan kabul edip başlajakdygy nygtaldy. Şeýle-de bolsa, Galaxy Z Fold4 we Z Flip4 üçin deslapky sargytlaryň 2021-nji ýylyň 11-nji awgustynda hödürlenen geçen ýylky modeller bilen bolşy ýaly, tanyşdyrylyş güni başlap hem biler. Täze önümler eýýäm 26-njy awgustda satuwa çykarylar diýlip çaklanylýar.
Samsung heniz geljekki çäre baradaky maglumatlara teswir bermedi. Ähtimal, Günorta Koreýanyň kompaniýasy Galaxy Unpacked-i onlaýn tanyşdyrylyş dabarasy hökmünde geçirer.
