Los-Anjelesdäki 2028-nji ýylyň tomusky Olimpiýa oýunlary 14-nji iýuldan 30-njy iýul aralygynda geçiriler diýlip, ýaryşlary guraýjylaryň resmi saýtynda habar berilýär. Muny sportmail.ru ýetirýär.
Seneler Halkara Olimpiýa Komitetiniň (HOK) prezidenti Tomas Bah bilen 2028-nji ýyldaky Oýunlaryň koordinasiýa komissiýasynyň başlygy Nikol Howerts amerikan şäherine baryp görenden soň yglan edildi.
Los-Anjelesdäki Paralimpiada 15 – 27-nji awgusta meýilleşdirilýär.
Los-Anjeles 2017-nji ýylyň sentýabr aýynda 2028-nji ýylda geçiriljek tomusky Olimpiýa oýunlarynyň hojaýyny diýlip yglan edildi. Şäher Olimpiadany öň iki gezek kabul etdi – 1932-nji we 1984-nji ýyllarda. Iki ýagdaýda-da bular tomusky Oýunlar bolupdy.
