1-nji iýula çenli ýagdaýa görä, Özbegistanyň hemişelik ilatynyň sany 35,6 mln adama barabar. Bu barada respublikanyň Döwlet statistika komiteti habar berýär. Muny centralasia.media ýetirýär.
Edaranyň maglumatlaryna görä, 2022-nji ýylyň 1-nji iýulyna çenli respublikanyň hemişelik ilaty 35 603 443 adama barabardy. Aýallaryň sany 17 690 386, erkekleriň sany 17 913 057 adama deň.
Bellenilişi ýaly, 2022-nji ýylyň 1-nji iýulyna çenli ýagdaýa görä, hemişelik ilatda erkekleriň sany aýallaryň sanyndan 222 671 adam köp.
Mundan öň, Döwlet statistika komiteti ýylyň başyndan bäri özbegistanlylaryň syýahatçylyk maksatlary bilen haýsy ýurtlara köp gidendikleri barada habar berdi. Özbegistanyň raýatlarynyň syýahatçylyk maksatlary bilen iň köp gidýän ýurtlarynyň arasynda Gyrgyzystan öňdebaryjy boldy – 788,4 müň raýat.
