“Ferrari” toparynyň sürüjisi Şarl Lekler “Formula-1” klasynyň awtoýaryşlary boýunça dünýä çempionatynyň nobatdaky tapgyry bolan Awstriýanyň Gran-prisiniň ýeňijisi boldy.
Ikinji orny “Red Bulldan” niderlandly Maks Werstappen, üçünji orny “Mersedesde” çykyş edýän britaniýaly Lýuis Hemilton eýeledi.
Şahsy hasapda 11 tapgyrdan soň 208 utuk gazanan Werstappen liderlik edýär, ikinji orunda Lekler (170) ýerleşýär, liderleriň üçlügini “Red Bulldan” meksikaly Serhio Peres (151) jemleýär.
Peres, şeýle-de geçenki tapgyryň ýeňijisi Karlos Saýns (“Ferrari”) we kanadaly Nikolas Latifi (“Williams”) ýaryşyň dowamynda distansiýadan çykyp, pellehana ýetip bilmedi.
“Formula-1” çempionatynyň indiki tapgyry – Fransiýanyň Gran-prisi 22 – 24-nji iýulda geçiriler.
