Täze Hummer edinmek üçin indi 17 ýyllap nobata durmaly bolar

  • 06.07.2022 09:54
  • 29k+

Täze GMC Hummer EV wnedorožnigini edinmek üçin häzirki wagtda 17 ýyl töweregi nobata durmaly: Wall Street Jounal neşiriniň habar bermegine görä, önümçiliginiň häzirki göwrüminde ähli alnan sargytlary ýerine ýetirmek üçin,  GM konsenine hut şonça ýyl gerek bolar.  

2022-nji ýylyň iýulyndaky ýagdaýa görä, GM-nyň dilerleri Hummer EV üçin 77 müň sargyt aldylar, emma kompaniýa welin, gije-gündiziň dowamynda bary-ýogy 12 awtoulag goýberýär, görnüşi ýaly, bu islegi kanagatlandyrmak üçin ýeterlik däl. Önümçiligiň göwrüminiň şeýle ujypsyzlygy bu ulag üçin niýetlenen elektron şaý toplumlarynyň we akkumulýatorlaryň ýetmezçiligi bilen baglydyr (Hummer EV-e LG-iň işläp taýýarlan batareýalary goýulýar).  
Gaýtadan dikeldilen "Hummeriň" ilkinji görkezilişiniň 2021-nji ýylda geçendigini, üstesine, täze modeliň elektromobil hasaplanýandygyny ýatlalyň. Onuň top wersiýasy kuwwaty 1000 at güýjüne deň bolan üç hereketlendiriji bilen üpjün edilendir. 
Akkumulýatorlary bir gezek berlen zarýad bilen 550 km töweregi ýol geçip bilýär. 


31.05.2025 16:23
1.3k+

Kia täze EV3 elektroulagynyň hatyrasyna XCeed krossowerini önümçilikden aýrar

Kia kompaniýasy ykjam XCeed krossowerini ýygnamagy bes etmek kararyna geldi. Bu model üstümizdäki ýylda önümçilikden aýrylar. Munuň sebäbi, elektrik ulaglary segmentinde markanyň strategiýasynyň möhüm bölegine öwrüljek täze Kia EV3 elektrik ulagyny satuwa çykarmak ugrundaky taýýarlyklar bilen baglanyşykly...

29.05.2025 18:52
4.5k+

Xiaomi her bir satylan ulagdan ýitgini ýedi esseden gowrak – 900 dollara çenli azaltdy

Xiaomi 2025-nji ýylyň birinji çärýegi üçin maliýe hasabatyny hödürledi. Üç aýda SU7 modelinden 75 869 elektromobil ýola goýuldy, bu modeliň umumy üpjünçiligi bolsa 258 000 birlikden geçdi. Şeýle-de, kompaniýa önümçilik kuwwatyny giňeltmek meýilnamalary barada habar berdi...

28.05.2025 12:10
2.5k+

Honda elektrokarlary ikinji hatara süýşürdi: üns merkezinde – gibridler we benzin ulaglary

Honda trende eýerip, geljek on ýyl üçin ösüş strategiýasyny üýtgedýär. Kompaniýa öň wada berlişi ýaly diňe elektromobillere üns bermezlik kararyna geldi. Munuň deregine ol gibridlere we adaty benzin hereketlendirijili modellere ünsi gönükdirer...

28.05.2025 08:25
5.7k+

BYD 35%-e çenli arzanladyş yglan edip, hytaýly öndürijileriň paýnamalarynyň bahasyny pese gaçyrdy

BYD kompaniýasy islegi artdyrmak üçin elektromobilleriň bahasyna 35%-e çenli arzanladyş girizdi. «Bloomberg» agentliginiň ýazmagyna görä, bu ýagdaý hytaýly awtoöndürijileriň paýnamalarynyň bahasynyň aşaklamagyna sebäp boldy...