Futboluň Halkara Federasiýasynyň (FIFA) reýtinginde Türkmenistanyň milli ýygyndysy bir san aşak düşüp, 135-nji orny eýeledi. Reýtingiň täzelenen görnüşi 23-nji iýunda guramanyň resmi saýtynda neşir edildi.
Türkmenistanyň milli ýygyndysynyň hasabynda 1100 bal bar.
Reýtingde birinji orny Braziliýa (1837 bal), ikinji orny Belgiýa (1821), üçünji orny Argentina (1770) eýeleýär. Fransiýa (1764) dördünji orna düşdi, bäşinji orunda Angliýa (1737) ýerleşdi. Ýewropanyň häzirki çempionlary bolan Italiýanyň ýygyndysy (1713) ýedinji orna düşdi, ispaniýalylar (1716) altynjy orunda ýerleşdi. Soňra Niderlandlar (1679), Portugaliýa (1678) we Daniýa (1665) ýerleşýär.
