Hindistan gallany eksport etmegi gadagan etdi, bu karar dessine güýje girer. Bu barada Respublikanyň Söwda we senagat ministrliginiň Daşarky söwda boýunça baş müdirligi şenbe güni habar berdi diýip, TASS-a salgylanýan Trend habar berýär.
«Köp sanly ýagdaýlaryň täsiri astynda, dünýäde gallanyň bahasynyň birden göterilendigini nazara almak bilen, içerki bahalaryň ösüşine gözegçilik etmek boýunça çäreleriň çäklerinde şeýle karara gelindi» diýip, edaranyň habarynda aýdylýar.
Ol 13-nji maýa çenli goýberilen, yzyna alynmaýan akkreditiw hatlar boýunça däne önümlerini daşyna tabşyrmaga rugsat berýär. Hindistanyň hökümetiniň girizen gadagançylygynyň ýene bir kadadan çykmasy hökmünde: beýleki ýurtlaryň isleglerini kanagatlandyrmak üçin gallany olaryň hökümetleriniň haýyşy boýunça eksport etmek diýip agzaldy.
Hindistan mart aýynda ýakyn wagtda gallany dünýä eksport etmek boýunça öňdebaryjy bolmaga gönükdirilen çäreleri görmäge meýillenýändigini mälim etdi. Emma bir topar sebäplere görä, şol sanda bu dänäniň ösdürilip ýetişdirilýän etraplarynda güýçli yssy sebäpli, indi respublikanyň içerki bazarynda hem bu ekiniň ýetmezçiliginiň döremeginden howatyrlanyp ugradylar.
