Windows-da islendik bukjanyň reňkini nädip üýtgetmeli?

  • 10.05.2022 17:10
  • 14k+

Düzgüne görä, Windows-da bukjalaryň ählisi diýen ýaly sary reňkdedir. Siz bukjany islendik reňkde goýup bilersiňiz, munuň üçin FolderPainter programmasyny ulanmak bolar. Ol mugt bolup, ony ulanmak hem aňsat we gurnamany-da talap etmeýär.

FolderPainter-i ýükläp, islendik bukja (mysal üçin, Program Files) nusgasyny göçüriň. Ony işe goýberiň, eger zerur bolsa dilini rusça üýtgediň we “Установить” (“Gurnamak”) ýazgysyny basyň. Şondan soň islendik bukjanyň kontekst menýusynda reňkini üýtgetmek üçin “Изменить значок папки” (“Bukjanyň belgisini üýtgetmek”) opsiýasy peýda bolar.

Reňkli bukjalar birmeňzeş sary bukjalara garanyňda, üýtgeşik we gyzykly görünýär. Mundan başga-da, eger öwrenişseňiz, olardan baş çykarmak hem aňsat bolar. Mysal üçin, siz “Maliýe” bukjasyny ýaşyl (pul ýaly), “Ýumuşlar” bukjasyny gyzyl reňk edip bilersiňiz. Dürli reňk bukjany tapawutlandyrar we siz ony çalt tapyp bilersiňiz.
FolderPainter-iň sazlamalarynda haýsy reňk opsiýalarynyň kontekst menýusynda görkeziljekdigini saýlap bolýar. Tutuşlygyna bir reňki däl-de, gradient doldurmalaryny, suratly belgileri hem-de belgi görnüşine öwrülen islendik nyşanlary we suratlary (.ico) ulanmak bolýar. Kontekst menýusyna täze saýlanan zady goşmak üçin onuň gapdalyna belgijik goýup, “Установить” (“Gurnamak”) buýrugyny basmaly.
Bukja sary reňki gaýtaryp bermek üçin, oňa basyp, “Изменить значок папки” (“Bukjanyň belgisini üýtgetmek”) opsiýasynda “Восстановить по умолчанию” (“Düzgüne görä dikeltmek”) ýazgysyny saýlamaly. Şeýle-de, kontekst menýusyndan FolderPainter-i aýyrmak bolar. Munuň üçin programmany işe goýberip, “Удалить” (“Aýyrmak”) buýrugyny basmaly.


10.02.2022 19:08
3.5k+

Windows 11-iň işini çaltlaşdyrýan sazlama mälim edildi

Microsoft-yň öňki işgäri wijetleriň funksiýalarynyň öçürilmeginiň Windows 11-iň işini çaltlaşdyrjakdygyny gürrüň berdi. Bu barada Windows Latest neşiri habar berýär diýip, lenta.ru belleýär. Microsoft-yň öňki inženeri...

23.06.2025 08:47
11k+

Türkmenistanda hepdelik howa maglumaty (23.06 - 29.06)

Türkmenistanyň Daşky gurşawy goramak ministrliginiň Gidrometeorologiýa gullugynyň ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda az-kem bulutly, hepdäniň ortasynda üýtgäp durýan bulutly howa bolup, demirgazyk-günbatardan günorta-gündogara ugruny üýtgedýän, tizligi sekuntda 10 — 13 metrden 14 — 16 metre ýetýän şemal öwser...

19.06.2025 16:34
5.5k+

“Ýönekeý” kompaniýasy Hytaýda okamak isleýänleriň arzalaryny 30-nji iýuna çenli kabul edýär

Ýurdumyzda isleg bildirilýän ugurlar boýunça Hytaýyň öňdebaryjy uniwersitetlerine okuwa ugratmak bilen meşgullanýan “Ýönekeý” kompaniýasy hasaba almak möhletiniň tamamlanyp barýandygyny ýatladýar. Okuw üçin hasaba almagyň möhleti 2025-nji ýylyň 30-nji iýunyna çenli süýşürildi...

17.06.2025 20:42
9.7k+

Sabiana, Airwell we GRAD kompaniýalarynyň Türkmenistandaky distribýuteri amatly bahadan sowadyş ulgamlaryny hödürleýär

Italiýanyň "Sabiana", Fransiýanyň "Airwell" we Hytaýyň "Grad" kompaniýalarynyň Türkmenistandaky distribýuteri bolan "Mylaýym şemal" hususy kärhanasy öýlerde we ofislerde mylaýym howa gurşawyny döretmek üçin kondisionerleri, fankoýllary we VRV sowadyş ulgamlaryny hödürleýär...