Apple 2022-nji ýylyň birinji çärýeginde enjam üpjünçiligini ýokarlandyran ýeke-täk smartfon öndürijisi boldy. Bu barada “MacRumors” neşiri ýazýar.
Media žurnalistleri Strategy Analytics, Canalys we IDC analitiki kompaniýalarynyň ýanwar-mart aýlarynda telefon üpjünçiligine degişli hasabatyny seljerdiler. Şondan soň awtorlar has üstünlikli smartfon öndürijisini belli etdiler. Şeýlelikde, diňe Apple birinji çärýekde geçen ýylyň degişli döwrüne garanyňda, iberilişi artdyrypdyr.
Awtorlar Canalys-yň maglumatlaryna salgylandylar, oňa laýyklykda ýylyň ilkinji üç aýynda Apple bazarda 56,5 mln birlik ýerledi, bu bolsa 2021-nji ýylyň birinji çärýegine garanyňda, sekiz göterim köpdür. Kompaniýa 15 göterim paýyny saklady. Bazaryň lideri bolan Samsung bolsa 73,7 mln gurluş iberdi, ýöne üpjünçilik dört göterim azaldy.
