«Pari Sen-Žermen» futbol kluby Fransiýanyň çempionatynyň 34-nji tapgyr duşuşygynda öz meýdançasynda «Lans» kluby bilen 1:1 hasabynda deňme-deň oýnap, möhletinden öň milli çempionatynyň ýeňijisi bolmagy başardy. Duşuşyk şenbe güni «Stad de Frans» stadionynda geçirildi
«PSŽ-niň» düzüminde goly Lionel Messi (68-nji minut) geçirdi. «Lans» klubundan Korenten Žan (88) tapwutlandy.
«PSŽ» 34 oýunda 78 utuk toplady. 33 oýundan soň 62 utuk bilen ikinji orunda barýan «Marsel» milli çempionatynyň çempionlygy ugrunda göreşmek üçin hatda matematiki mümkinçiliklerini hem elden gidirdi.
Pariž kluby 10-njy gezek ýurduň çempionatynda ýeňiş gazandy. Bu görkeziji babatda ol soňky gezek 1980/81 möwsümde çempion bolan «Sent-Etýeniň» rekordyny gaýtalady. «Marsel» klubunda 9 sany çempionlyk bar.
