Holand bilen «Mançester Siti» şahsy şertnamanyň şertlerini ylalaşdy

  • 20.04.2022 13:51
  • 6.9k+

Angliýanyň “Mançester Siti” futbol kluby bilen Dortmundyň “Borussiýasynyň” hüjümçisi Erling Holand şahsy şertnamanyň şertlerini ylalaşdy. Bu barada “Daily Mail” neşiri habar berýär.

“Mançester Siti” Holandyň “Borussiýa” bilen şertnamasynda 63 mln funt sterlinge (tas 76 mln ýewro) satyn almak mümkinçiligini işjeňleşdirmek isleýär. Ol 21 ýaşly norwegiýaly oýunça bolsa bäş ýyllyk şertnama boýunça hepdede 500 müň funt sterling (600 müň ýewrodan gowrak) tölemäge taýýar. Bu zähmet haky ony Angliýanyň premýer-ligasynyň iň ýokary hak alýan oýunçysy eder. Bellenilişi ýaly, şertnama indiki hepdede baglaşylyp bilner.

Häzirki wagtda ligada “Mançester Ýunaýtediň” hüjümçisi Kriştianu Ronaldu we “Mançester Sitiniň” ýarym goragçysy Kewin de Brýuýne has köp gazanýar (hepdede 385 müň funt sterling töweregi).

Holand 2020-nji ýylyň ýanwar aýynda Awstriýanyň “Zalsburgyndan” “Borussiýa” geçdi. Onuň bu klub bilen şertnamasy 2024-nji ýyla çenli niýetlenýär. Ol “Borussiýanyň” düzüminde 85 oýna gatnaşyp, 82 gol girizdi we Germaniýanyň Kubogynyň eýesi boldy.


şu gün 09:22
2.4k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

düýn 23:17
3.2k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
10k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...

26.11.2025 12:52
7.7k+

Çempionlar ligasynyň 5-nji tapgyry: “Çelsi” “Barselonany” utdy, “ManSiti” “Baýerden” utuldy

Çarşenbe gününe geçilen gije UEFA-nyň Çempionlar ligasynyň umumy tapgyrynyň bäşinji oýunlary geçirildi. Olardan ikisi garaşylmadyk netije bilen tamamlandy: “Çelsi” “Barselonanyň” derwezesine jogapsyz üç gol geçirdi, “Mançester Siti” bolsa öýünde Lewerkuzeniň “Baýerinden” utuldy...