Çeşme aksessuar öndürijiler tarapyndan çehol çykarmak üçin ulanylýan, iPhone 14, iPhone 14 Pro, iPhone 14 Max we iPhone 14 Pro Max smartfonlarynyň maketi görkezilen ilkinji janly suraty çap etdi.
iPhone 14-iň hatarynda iPhone 14 mini modeliniň bolmajakdygy öňem kän gezek aýdylypdy, bu suratam şony tassyk edýär.
Bu ýyl bize ekrany iki kesikli 6,1-dýumly iPhone 14 Pro we 6,7-dýumly iPhone 14 Pro Max, şeýle hem maňlaý kesigi saklanan 6,1-dýumly iPhone 14 we 6,7-dýumly iPhone Max garaşýar.
Öň habar berlişi ýaly, iPhone 14 Pro-nyň we Pro Max-yň, şekiliň täze 48-megapiksellik datçigi bolany sebäpli, modulynda ep-esli ulaldylan kamerasy bolar. Bu agzalan suratda aýdyň görünýär. Üstesine, iPhone 14 we iPhone 14 Max iki datçigi iPhone 13-iňki ýaly ýerleşen kameranyň kiçeldilen modulyny alar.
Suraty çap eden çeşme iPhone 14 Pro-nyň we Pro Max-yň iki kesikli täze bezege eýe boljakdygyny tassyklaýar.
