Apple iPhone, HomePod we beýleki gajetleriň üsti bilen ukynyň hiline gözegçilik etmegiň tehnologiýasyna patent aldy. Bu barada Appleinsider neşiri ýazýar.
Degişli oýlap tapyşy ABŞ-yň Patentler we haryt nyşanlary pudagynyň (USPTO) bazasynda ýüze çykardylar.
«Fiziologiki monitoringi amala aşyrmaga elektrokardiografiýa, elektroensefalografiýa usuly bilen ýa-da beýleki oňaýsyz täsirli elektrodlary bolan elektrofiziologiki usullar arkaly ölçemeleri talap etmeýän gurluşlar mümkinçilik berýär» diýip, resminamada bellenip geçilýär. Nazaryýetde, dynç alýan mahaly ulanyjylaryň ýagdaýyna Apple-iň islendik dewaýslary — iPhone, Apple Watch, Mac ýa-da HomePod mini gözegçilik edip biler. Hünärmenler has takyk maglumatlary ýygnamak üçin, Apple gurluşyna yzygider maglumat geçirip durjak hususy datçikleri ulanmagy teklip etdiler.
