Penşenbeden başlap Türkmenistanyň aglaba sebitlerinde howa salkynlar diýip, howa maglumaty gullugy çaklaýar. Dynç günleri ýagşyň ýagmagy mümkin.
Aşgabatda we Ahal welaýatynda penşenbe güni howanyň aňrybaş gyzgynlygy +28 dereje bolmagyna garaşylýar. Anna güni temperatura +22-ä çenli aşaklar. Şenbede termometriň sütünjigi +24 derejäni görkezer. Ýekşenbe güni temperatura birden +16-a çenli peseler we 14,2 mm-e çenli ygalyň düşmegi mümkin.
Balkan welaýatynda penşenbeden başlap, şenbe gününe çenli howanyň temperaturasynyň +20 derejede saklanmagyna garaşylýar. Şenbe güni 1,6 mm ygalyň düşmegine garaşylýar. Ýekşenbe güni howanyň derejesi +13-e çenli aşaklar we az-kem ýagyş ýagmagyna garaşylýar.
Daşoguz welaýatynda hepdäniň penşenbe güni howa +35 derejä çenli gyzar. Anna gününden başlap howa biraz salkynlap ugrar we temperatura +27 dereje bolar. Şenbe güni howanyň +25 dereje bolmagyna garaşylýar. Ýekşenbe güni az-kem ýagşyň ýagmagy mümkin we howanyň temperaturasy +19 dereje bolar.
Penşenbe güni Mary welaýatynda howa gyar - +36 dereje bolmagyna garaşylýar, Anna gününden howanyň derejesi aşaklap ugrar we +29 derejä çenli peseler hem-de hepdäniň ahyryna çenli termometriň sütünjigi şu derejede saklanar diýip garaşylýar.
Lebap welaýatynda yssy temperatura saklanar. Sebitde hepdäniň ahyryna çenli howanyň derejesi +32 -de saklanar. Dynç günleri tizligi sekuntda 15 metre ýetýän şemalyň öwüsmegine garaşylýar.
