Polşanyň milli ýygyndysynyň we Mýunheniň “Bawariýasynyň” hüjümçisi Robert Lewandowskiý tomusky transfer penjiresinde “Barselona” geçmek barada ylalaşdy. Bu barada sport.interia.pl habar berýär.
Portalyň maglumatlaryna görä, taraplar Lewandowskiniň “Bawariýa” bilen şertnamasynyň 2023-nji ýylyň iýun aýyna çenli hereket edýändigine garamazdan, şu tomus üç ýyllyk şertnama baglaşmak barada ylalaşdylar. “Barselonadan” başga-da, “PSŽ”, “Mançester Siti” we “Liwerpul” transfer bilen bagly gepleşikleri geçirdi.
Geçmek baradaky soňky söz “Bawariýanyň” tarapynda galýar. Bellenilişi ýaly, Mýunheniň klubunyň ýolbaşçylygy 33 ýaşly hüjümçiniň geçmegini gadagan edip biler. Ýöne neşir Lewandowskä ýakyn çeşmelere salgylanyp, polşaly hüjümçiniň “Barselona” geçmek ähtimallygynyň has ýokarydygyny nygtaýar.
