Bir hepde mundan ozal Alýaskanyň kenarlaryndaky Ýuwaş ummanda ot alan Morning Midas ýük gämisi ýanmagyny we ýüzmegini dowam etdirýär. ABŞ-nyň kenar goragy edarasy tarapyndan alnan surat gämä düýpli zyýan ýetendigini görkezýär.
Edara Zodiac Maritime kompaniýasynyň halasgärleri bilen hemişe aragatnaşyk saklaýandygyny habar berdi. Olar ýangyny gutarnykly söndürmek we gämini tirkege almak boýunça meýilnama taýýarlaýar.
Deslapky maglumatlara görä, ýangyn gäminiň elektrokarlaryň we gibrid awtomobilleriň saklanýan yzky böleginde başlady. Suratlarda ýangynyň beýleki palubalara-da ýaýrap, gäminiň daşky örtügine zyýan ýetirendigi görünýär.
Ozal Morning Midas gämisiniň Hytaýdan çykyp, Meksika tarap ugrandygy habar berildi. Meýilnama boýunça, ol 15-nji iýunda bellenilen nokada gelmelidi. 3-nji iýunda topar elektromobilleriň duran palubasynda tüsse gördi. 22 adamdan ybarat ekipaža bortuň ýangyn söndüriş ulgamynyň kömegi bilen alawy özbaşdak söndürmek başartmady, netijede olar halas ediş gaýyklarynyň kömegi bilen ewakuasiýa edildi we golaýdaky söwda gämisi tarapyndan halas edildi.
Gäminiň bortunda 3 müňden gowrak awtomobil, şol sanda 70 elektrokar we 681 gibrid bardy. Hut bu awtomobilleriň ýangyna sebäp bolandygy çak edilýär.
