AnTuTu 2022-nji ýylyň mart aýy üçin Apple-iň iň kuwwatly gurluşlarynyň onlugyny düzdi

AnTuTu bençmarkynyň hünärmenleri şu ýylyň mart aýy üçin synaglaryň netijeleri esasynda Apple kompaniýasynyň iň kuwwatly gurluşlarynyň reýtingini taýýarladylar. Neşir edilen onlukda ilkinji üç orny Apple M1 prosessorynyň esasynda işleýän gurluşlar eýeleýär, birinji orunda bolsa iPad Pro 5 ýerleşýär. Bu barada astera.ru habar berýär.

Täze iPad Air 5 üçünji orny eýeledi, iPhone 13 Pro Max bolsa bäşinji orunda ýerleşdi. Amerikan kompaniýasynyň täze önümleri synaglaryň netijesine görä, 1 milliondan ýokary bal aldylar. Qualcomm, MediaTek bilen deňeşdirilende, täze Apple M1 prosessory iň kuwwatlysy boldy, şol sanda ol iPhone 13 Pro Max-daky A15-den hem güýçli bolup çykdy.

Ýöne häzirlikçe bu çip diňe kompaniýanyň planşetlerinde elýeterlidir. Reýting şeýle görnüşde:

1. iPad Pro 5 (12,9 dýuým ekranly)
2. iPad Pro 5 (11 dýuým ekranly) 
3. iPad Air 5
4. iPad Pro 3 (12,9 dýuým)
5. iPhone 13 Pro Max
6. iPhone 13 Pro
7. iPad Pro 4 (12,9 dýuým)
8. iPad Pro 4 (11 dýuým)
9. iPad mini 6
10. iPad Pro 3 (11 dýuým)