Porsche Ýewropadan daşarda ilkinji zawodyny açdy

  • 04.04.2022 16:11
  • 10k+

Porsche kompaniýasy häzire çenli ähli awtomobillerini Ýewropada öndürýärdi. Germaniýadan başga-da awtoulaglar Slowakiýada hem çykarylýar. Öň iki orunlyk Porsche Boxster awtoulagy Finlýandiýa-da ýygnalýardy. Indi bolsa Porsche-niň Ýewropadan daşary ilkinji zawody peýda boldy we ol kompaniýa üçin esasy bazara öwrülen Hytaýda ýerleşdirilmedi. Porsche Cayenne krossowerleri 28-nji martdan bäri Malaýziýada ýygnalýar.  

Ýerli hyzmatdaş Sime Darby söwda konglomeraty boldy. Kulim şäherinde (ýurduň günbatar böleginde ýerleşýär) bilelikdäki zawodyň gurluşygy 2020-nji ýylyň dekabr aýynda başlandy. Bu ýerde kebşirleýiş we boýag sehleri ýok, ýygnama işleri häzirlikçe uly bölekleri ýygnama usuly bilen alnyp barylýar, ýöne esasy bölekleriň köpüsi, şol sanda ZF konserninden öňki we yzky ok bölekleri hem-de Clarion-dan salon elementleri ýerli görnüşde öndürilýär. Şonuň netijesinde krossowerleriň bahasy 550 müň Malaýziýa ringgitinden ($130,6 müň) başlaýar, bu bolsa Ýewropadaky wersiýasy bilen deňeşdirilende 113 müň ringgit ($26,8 müň) azdyr. Önümçilik programmasy diňe V6 3.0 turbo hereketlendirijili (340 at güýji) esasy Cayenne krossowerini öz içine alýar, galan ähli wersiýalar öňküsi ýaly import ediler.
Ilkibaşda Malaýziýada ýygnalan awtoulaglar diňe içerki bazarda satylar. Soňrak olar Aziýanyň beýleki ýurtlaryna iberilip başlanar.  


19.06.2025 11:10
2.3k+

Porsche Taycan Turbo GT ýaryş ýollarynda köpçülikleýin elektromobilleriň rekordyny täzeledi

Porsche Taycan Turbo GT ýaryş ýollarynda iki sany täze rekord goýdy. Arap ýaryşa gatnaşyjysy Ramez Azzam Abu-Dabidäki “Ýas Marina” ýoly boýunça aýlawy 2 minut 7,2 sekuntda geçdi. Bu “Formula-1-iň” Gran-prisiniň geçirilýän awtodromynda köpçülikleýin elektromobiller üçin täze rekord boldy...

19.06.2025 10:29
4.3k+

MAN Mýunhende elektrik ýük ulaglarynyň köpçülikleýin önümçiligine başlady

MAN kompaniýasy Mýunhen şäherindäki (Germaniýa) zawodynda elektrik ýük ulaglarynyň köpçülikleýin önümçiligine girişdi. Indi elektrik we dizelli modeller bir hatarda ýygnalýar, bu bazardaky islege görä çeýeligi üpjün edýär...

14.06.2025 19:42
4.7k+

Xiaomi-niň ulagy Nýurburgring ýolunda Porsche-niň rekordyny täzeledi

Xiaomi SU7 Ultra elektrosedany Nýurburgring ýaryş ýolunda köpçülikleýin elektromobilleriň arasynda täze aýlaw rekordyny goýdy. Ýaryş ýoly üçin goşmaça kämilleşdirmelere eýe bolan ulag bu aýlawy 7 minut 4,957 sekuntda geçdi...

11.06.2025 13:59
3.1k+

Manhart awtobezeg ussahanasy Porsche 911 Turbo S-iň kuwwatyny 1000 at güýji töweregi ýokarlandyrdy

BMW awtoulaglaryna niýetlenen taslamalary bilen tanalýan nemes Manhart týuning-atelýesi Porsche 911 Turbo S-iň 992 nesli üçin üýtgeşmeler toplumyny hödürledi. Täze sazlaýyş bukjasyna TR 900 II diýilýär. Onuň kömegi bilen 3,8 litrlik oppozit hereketlendirijisiniň güýji 650-den 922 at güýjüne, torky 800-den 1090 Nm-a çenli ýokarlandy...