18 ýaşly Karlos Alkaras Maýamide geçirilen “Mastersiň” ýeňijisi boldy

  • 04.04.2022 12:21
  • 3.9k+

Ispaniýaly tennisçi Karlos Alkaras Maýamide geçirilen “Masters” seriýasynyň ýaryşynyň ýeňijisi boldy. Bu ýaryşyň baýrak gaznasy 8,5 million dollardan geçýär.

Ýaryşda 14-nji belgide ýerleşdirilen Alkaras finalda ýaryşyň altynjy raketkasy norwegiýaly Kasper Ruudy 7:5, 6:4 hasabynda utdy. Oýun 1 sagat 53 minut dowam etdi.
18 ýaşly Alkaras üçin bu “Masters” seriýasynyň ýaryşlarynda ilkinji titul boldy. Onuň hasabynda ýekelikde ATP-ýaryşynda  jemi üç baýragy bar. Ispaniýaly tennisçiler “Masters” seriýasynyň ýaryşlarynda rekord möçberde ýeňiş gazandylar (56), bu ýurduň 14 wekili, şol sanda Rafael Nadal ýaryşlaryň ýeňijileri boldular, bu hem rekord görkezijidir.  
Maýamide gazanan ýeňşi üçin Alkaras 1000 reýting utugyny we $1,231,245 möçberinde baýrak alar. Ýeri gelende bellesek, Alkaras taryhda Maýamidäki “Mastersiň” iň ýaş ýeňijisi boldy. 


22.10.2025 20:05
754

Halkara tennis federasiýasy adyny World Tennis diýip üýtgeder

2026-njy ýyldan başlap Halkara tennis federasiýasy (International Tennis Federation, ITF) täze — World Tennis — atlandyrylar diýip, guramanyň metbugat gullugy habar berýär. Adyny üýtgetmek baradaky karary ITF-iň düzümine girýän milli tennis birleşikleriniň köpüsi goldady...

20.10.2025 14:04
1.4k+

Werstappen ABŞ-nyň Gran-prisini utup, çempionatda Piastriden aratapawudyny azaltdy

19-njy oktýabrda, ýekşenbe güni Ostindäki Circuit of the Americas ýaryş ýolunda Formula-1 çempionatynyň 19-njy tapgyry – ABŞ-nyň Gran-prisi geçdi. Onda “Red Bulluň” niderlandly sürüjisi Maks Werstappen ýeňiş gazandy...

19.10.2025 16:46
1.4k+

Apple ABŞ-da “Formula-1-i” ýaýlyma bermek üçin 750 mln dollara hukuk satyn aldy

Apple ABŞ-da “Formula-1” ýaryşlaryny ýaýlyma bermek üçin aýratyn hukuk satyn aldy. Bu barada çempionatyň metbugat gullugy habar berýär. Hyzmatdaşlyk barada şertnama bäş ýyl möhlet bilen baglaşyldy. Variety neşiriniň maglumatlaryna görä, şertnamanyň bahasy, takmynan, 750 mln dollar boldy...

17.10.2025 21:01
8.1k+

2026-njy ýylyň dünýä çempionaty üçin eýýäm milliondan gowrak petek satyldy

2026-njy ýylyň futbol boýunça dünýä çempionatynyň oýunlaryna eýýäm milliondan gowrak petek satyldy. Bu barada FIFA salgylanyp, NBC News habar berýär. Uly gyzyklanma bildiren janköýerler, esasan, ABŞ-dan, Kanadadan we Meksikadan boldy – hut bu üç ýurt 11-nji iýundan 19-njy iýul aralygynda ýaryşy kabul eder...