Duşenbe güni Owganystan ýurtda «Taliban» Hereketi häkimiýete geçeli bäri, harytlarynyň ilkinji tapgyryny Ýewropa ugratdy. 30 töweregi ýük ulaglaryna arap we Ýewropa ýurtlary üçin niýetlenen harytlar ýüklenildi. Bu barada ýerli wezipeli adamyň sözlerine salgylanyp, Ariana News owgan teleýaýlymy habar berdi.
Owganystanyň günbataryndaky Hyrat welaýatynyň Söwda-maýa goýum palatasynyň baştutanynyň sözlerine görä, ýük ulaglary Owganystany, Türkmenistany, Azerbaýjany, Gruziýany we Türkiýäni birleşdirýän «Lýapis-lazuli» ulag geçelgesiniň ugry boýunça gitdi. Pisseden, künjüden, tminden, halylardan we maňyzdan ybarat ýüküň umumy bahasy 5 million amerikan dollary möçberindedir.
Telestansiýanyň maglumatlaryna görä, harytlaryň bu tapgyry, ýurtda häkimiýet çalşanyndan soň, Owganystandan Ýewropa ugradylýan ilkinji eksportdyr.
