Samsung Galaxy we iPhone smartfonlary 2021-nji ýylda global bazarda has köp isleg bildirilýän telefonlaryň sanawyna girdi diýip, GizmoChina neşiri habar berýär. Muny Lenta.ru salgylanyp, Day.Az ýetirýär.
Omdia analitiki kompaniýanyň maglumatlaryna görä, Samsung Galaxy A12 2021-nji ýylda iň köp satylýan smartfon boldy. Ol 51,8 mln birlik tiraž bilen satyldy. Ikinji orunda iPhone 12 ýerleşdi, Apple bazara 41,7 mln enjam iberdi. Iň köp satylýan üçünji smartfon iPhone 13 boldy – 34,9 mln birlik. Şeýle-de, ilkinji bäşlige iPhone 11 we Xiaomi Redmi 9A girýär.
Has köp isleg bildirilýän telefonlaryň ilkinji onlugynda Apple-iň ýedi, Samsung-yň iki we Xiaomi-niň bir smartfony bar. Bu sanawda iň arzan enjam 78 dollar bilen bahalandyrylan Xiaomi Redmi 9A, iň gymmady bolsa 1324 dollarlyk iPhone 13 Pro Max-dyr.
“Samsung-yň bu sanawda birinji orny eýelemegi A-tapgyryň arzan smartfonlarynyň has meşhurdygyny görkezýär” – diýip, žurnalistler belledi. Analitikler Galaxy A12 ýaly smartfonlara köp garaşylýandygyny, sebäbi öndürijileriň köpüsiniň, aýratynam, Samsung-yň ortaça we arzan baha segmentlerine üns berýändigini belleýär.
