“Mançester Ýunaýtediň” portugaliýaly hüjümçisi Kriştianu Ronaldu karýerasynda 805-nji, 806-njy we 807-nji goluny girizip, resmi oýunlardaky gollarynyň sany boýunça awstriýaly we çehoslowakiýaly hüjümçi Ýozef Bisanyň rekordyny täzeledi.
37 ýaşly Ronaldu bu rekordy Angliýanyň çempionatynyň “Tottenheme” garşy oýnunda goýdy. Oýun 3:2 hasabynda “Mançester Ýunaýtediň” peýdasyna tamamlandy. “Tottenhemden” Garri Keýn we Garri Maguaýr tapawutlandy.
Ronaldu “Mançester Ýunaýtediň” düzüminde 136 gol saldy. Şeýle-de, onuň hasabynda “Sporting” üçin 5 gol, Ispaniýanyň “Real” toparynyň düzüminde 450 gol, “Ýuwentus” üçin 101 gol we Portugaliýanyň milli ýygyndysy üçin 115 gol bar.
Halkara Futbol Federasiýasynyň (FIFA) maglumatlaryna görä, Bisan “takmynan, 805” goluň awtorydyr, geçirilen gollaryň takyk sany belli däl. Bisan 1931-nji ýyldan 1957-nji ýyla çenli oýnady, ol Çehoslowakiýanyň “Slawiýa”, “Sokol Şkoda” klublary, Pragadan “Dinamo” we Brnodan “Spartak” üçin çykyş etdi. Şeýle-de, ol Awstriýanyň “Rapid” we “Admira” klublarynda hem oýnady.
