Prezident Gurbanguly Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan jenap Ýun Sok Ýola Koreýa Respublikasynyň Prezidenti wezipesine saýlanmagy mynasybetli tüýs ýürekden gutlaglaryny we iň gowy arzuwlaryny ýollady.
“Biz Türkmenistan bilen Koreýa Respublikasynyň arasyndaky dostlukly gatnaşyklara ýokary baha berýäris. Bu gatnaşyklaryň geljekde hem iki ýurduň halklarynyň bähbitlerine mundan beýläk-de ösdüriljekdigine hem-de pugtalandyryljakdygyna uly ynam bildirýäris” diýip, türkmen Lideri öz hatynda belledi.
“Raýat güýji” oppozision partiýasyndan Koreýa Respublikasynyň prezidentligine dalaşgär Ýun Sok Ýol saýlawlarda 48,56% ses alyp, ýeňiş gazandy. Saýlanan prezident Milli mejlisde (parlament) partiýanyň ýolbaşçylarynyň öňünde çykyş etmek bilen, ýurduň raýatlarynyň agzybirligini berkitmegi baş maksady hasaplaýandygyny aýtdy we tarapdarlaryna goldaw berendikleri üçin minnetdarlyk bildirdi.
